Samuryq-Energonyń qarjylyq kórsetkishteriniń jaqsarýyna óndiristik qýat kózderin ońtaıly júkteý, óndiris kólemin ulǵaıtý jáne elektr energııasyn satý, sonyń ishinde eksportqa shyǵarý arqyly qol jetkizildi.
)ańtar-naýryzyndaǵy kiris 73,6 mlrd. teńgeden asty, bul rette energııa óndiretin jetekshi kásiporyndar – EGRES-1 men EGRES-2 elektr energııasyn belgilengen shekti tarıften tómen baǵamen básekelestik ortada satýda.
Esepti kezeń ishinde 9 mlrd. kVtsaǵ. elektr energııasyn óndirý qamtamasyz etildi, bul byltyrǵy jyldyń deńgeıinen 23%-ǵa joǵary. RF-ǵa eksporttaý kólemi 84%-ǵa ulǵaıyp, 1,627 mlrd. kVtsaǵatty qurady. Kómir óndirý 11,7 mln. tonnaǵa jetti, bul 2017 jyldyń dál osyndaı kezeńinen 16%-ǵa joǵary. Jylý energııasyn óndirý men satý kólemi josparly kórsetkishter sheginde qaldy.
«Samuryq-Energo» AQ asa iri elektr-energetıkalyq holdıng bolyp tabylady, onyń aksııalary «Samuryq-Qazyna» UÁQ» AQ-ǵa 100% tıesili. Elektr stansııalarynyń belgilengen qýaty 6,8 gıgavatty nemese BEJ-diń jıyntyq qýatynyń 31%-yn quraıdy.
2017 jyldyń qorytyndysy boıynsha jalpy bolyp 28,6 mlrd. kVtsaǵ. óndirilip, Samuryq-Energonyń elektr energııasyn óndirý sektoryndaǵy úlesi 24-ten 28%-ǵa artty. Top quramyndaǵy kompanııalar byltyr Qazaqstanda jasyl elektr energııasynyń árbir úshinshi kVtsaǵ. óndirilýin qamtamasyz etti.
